كان يا مكان - Kan ya makan

يوسف العماني - كان يا مكان

=============
كان يا مكان
حكاية ترويها العجايز للصبيان
قبل ما تنام
يغنيها راوي اعمى من زمان
بادي الكلام بكان يا مكان
كان يا مكان انا وحبيبي عاشقين الاثنين
نرعاو الغنم عايشين هانين
فوق المرج الاخضربالليل نباتو ساهرين
نغنيو نحلم وفالصبح نخرجوا متعانقين
نحلمو بموسم الحصاد
نجمعو الصبا وخير البلاد
نديروا عرس ونولدوا الولاد
هكذا حلمنا كان يكبر
وكان يا مكان
وفي يوم من الايام
ولد شيخ البلاد علي جوادو كان هواد
شاف غزالي فالواد
خطفها وزاد خلى دمعي عليها هواد
ما قدرت عليها نصبر
ليلة الفرح تالم قلبي وسال الجرح
وكان اللي كان
وقبل ما يطل الصبح ويبان ضو الفجر
تسللت للقصر و خطفت البدر
ناوي بغزالي نهرب
لكن الصور كان عالي
ولما قفز جوادي عثر
شافونا الاهالي وتفضح السر
في ذيك الليلة تجمعت القبيلة
في ذيك الليلة حكمت القبيلة
أنا والخليلة نترجمو بالحجر
بين يوم وليلة تنفذ الامر
وماتو العاشقين متعانقين الاثنين
من اجل الحب ضحاو بالعمر
وبكات عين كل عاشقين
علي اللي تدفنو الاثنين
في قبر واحد جنب النهر
و بعد يومين علي جنبنا نبتت شجرة
غصانها متشابكين
رخات ظلها وظللت القبر
وردات اتنين باتو متعانقين
باكيين بالعين لونهم احمر
عصفور اخضر كل فجر يجي يزورنا
يغني حكايتنا يدعي لله لنا يغفر
ومع الايام صبحوا العشاق
كل جمعة يزورو الشجرة
يرشوا المقر بما حنة وزهر
يشعلو شمعة يدرفوا دمعة
يغطيونا بثوب حرير لونو اخضر
ومع الايام صبحت حكايتنا ترويها العجايز للصبيان
يغنيها راوي اعمي من زمان
بادي لكلام بكان يا مكان
=================